എനിക്ക് പ്രണയിക്കണമായിരുന്നു ...
സ്വപ്നം മണക്കുന്ന രാത്രികളില് , നീ എന്ത് ചെയ്യുകയാവും എന്നോര്ത്തോര്ത്ത് ഉറങ്ങാന്...
നനുത്ത പുലരികളില് , നിന്നെ ഉണര്ത്താന് ഒരു
കുഞ്ഞു കാറ്റിനെ പറഞ്ഞേല്പ്പിച്ചു വിടാന്...
നുറുങ്ങിയ വളത്തുണ്ട് മുറുകെ പിടിച്ചു നീ എഴുതിയ കവിതയില് നൂറായിരം വട്ടം കവിള് ചേര്ത്തിരിക്കാന്...
നിലാവ് പെയ്യും പോലെ നമ്മളിലൊഴുകുന്ന മൌനത്തെ വെറുതെ കേട്ടിരിക്കാന് ...
പ്രണയിക്കാന് വേണ്ടി മാത്രം നമുക്കൊന്ന് പിന്നോട്ട് പോകാമോ???
മൊബൈല് ടവറുകള് പിറക്കും മുമ്പുള്ള കാലത്തിലേക്ക്...???
ഇത്രയും പറഞ്ഞപ്പോഴാണ് തിരിഞ്ഞു പോലും നോക്കാതെ അന്നവന് പോയിക്കളഞ്ഞത്.. ഇപ്പോള് പുതിയ സിംകാര്ഡിന്റെ സമയക്രമങ്ങളില് പുതിയ പ്രണയം രചിക്കുകയാവണം..രാത്രികളില് ഉറങ്ങിവീഴും വരെ സംസാരിച്ച് ...ഇടവേളകളില്ലാതെ സന്ദേശങ്ങളയച്ച്...
എങ്കിലും അറിയാതിരിക്കുമോ ഇപ്പോഴും ആത്മാവില് ഉറങ്ങാതെ കാത്തിരിക്കുന്ന എന്റെ പ്രണയത്തെ...!!!!
Thursday, December 3, 2009
Subscribe to:
Post Comments (Atom)
No comments:
Post a Comment